Ultimate magazine theme for WordPress.

«مهران» يعبر عن فرحته لكتابته أول سيناريو .. إحساس مش عارف أوصفه

0

  جورناليدة 

نشر الفنان محمد مهران عبر صفحته الرسمية على موقع تبادل الصور والفيديوهات “انستجرام” صور يحمل سيناريو مسلسل “لؤلؤ” معلقًا عليها :  (مبروك لكل صناع مسلسل لؤلؤ…مبروك يا مي إن شاء الله المسلسل يعجب الناس و يحبوا لؤلؤ و انتي تعبتي كتير في المسلسل و اكيد ربنا هيجازيكي علي قد تعبك.

 

أما بالنسبة لشعوري بفرحتي و أنا بقرأ اسمي و مكتوب جمبه ( سيناريو و حوار ) احساس مش عارف اوصفه، بس أقدر أوصف أول حاجة جت في بالي و أنا بتفرج على أول مشهد من مسلسل لؤلؤ.

 

افتكرت مكالمه جاتلي يوم ٢٦ / ٧ /٢٠٢٠ من الاستاذ محمد سامي قالي فيها ايه رايك تكتب سيناريو و حوار مسلسل لؤلؤ ، اكتر حاجة استغربتها اني عمري ما قولتله اني بحب الكتابه او حتي هو قرالي اي حاجة .. و بصراحه في الاول خفت من المسؤوليه الكبيره دي بس قررت اخوض التجربة.

 

واكتشفت اني اهم حاجة طلعت بيها من التجربه دي اني اتعلمت كتير من الشخص اللي ليه فضل عليا بعد ربنا سبحانه و تعالي اني اعرف اكتب مشهد من بدايته لنهايته، من أول ما قالي المشهد يتكتب بالورقه و القلم لحد اخر كلمه تتكتب في المسلسل.

 

الشخص ده هو الاستاذ محمد سامي اللي لازم يكون أول شخص أشكره ، مش لكونه اداني فرصه إني اكتب السيناريو و الحوار للمسلسل و بس ، ده لانه علمني يعني ايه اكتب سيناريو و حوار و ده شئ هفضل فاكره فاي مشهد لاي عمل هكتبه بعد كده شكراً و شكراً و شكراً لربنا انه قدر اني اتعلم كتابه الدراما على ايدك.

يذكر أن  مسلسل “لؤلؤ” بطولة مي عمر ، وتأليف محمد مهران، وإخراج محمد عبدالسلام، فيما يتولى محمد سامي مهمة الإشراف على التأليف والإخراج.
قد يعجبك ايضا

اترك تعليق

يرجي التسجيل لترك تعليقك

شكرا للتعليق