Ultimate magazine theme for WordPress.

من أعراض الاكتئاب القاسية جدًا والتي تأخر فترة العلاج…فقدان الأمل والإحساس بالعحز

0

  د/ ماهر عبد الحميد

مغيش فايدة …مش هاخرج من اللي أنا فيه ..مفيش حاجة هتنفع..مفيش علاج هينفع…مش عارف اخرج من الاكتئاب..مش قادر…أنا ضعيف وعاجز….الخ

ودول نفسهم بيزودوا قسوة الناقد الداخلي اللي بيجلدنا ويحسينا إننا ضعفاء وفاشلين وعاجزين وهشين ومنتحبش ومنستاهلش نعيش سعداء ونستاهل نفضل كدة على طول (بيضرب على الأفكار الجوهرية السلبية اللي هي من مسببات الاكتئاب)…..ويحسسنا بالذنب والخزي وعدم الجدارة اللي هم كمان من اعراض الاكتئاب الشديد. وبيضلمها في وشنا اننا هنستمر في ألم كدة على طول…فتزيد حالة الاحساس بالعجز وفقدان الالم.
ونستمر في الدورة دي باستمرار.

والنتيجة منطلبش مساعدة..أو مناخدش علاج أو مننفتحش على الخبرات الايجابية والمساعدة اللي بتتقدم لنا واي بارقة أمل…منصدقش ان في حل وهو قدامنا…عيونا لابسة نضارة سودة مبتشوفش غير كل سلبي ومحبط واسود وبتنجاهل اي ايجابي وباعث للالم..مبنشوفش الدعم والحب والقبول والمساندة وبنشوف بدالهم القسوة والبرود واللامبالاة … بنفسر كل حاجة بعيون مكتئبة وحزينة ومحبطة وفاقد الأمل ومش عارفة تتصرف.

وبندخل في دوامة إن الحل الوحيد هو الرحيل…وبتزيد افكارنا عن الموت وربما الانتحار …اعراض اكتئاب شديد برضو.
الافكار بتتوالد وتتاكثر وبتزود بعضها وبتزو الحالة.
مهما اتقال من كلام من المعالج ..المكتئب بيبقى متشكك…وبيبقى شايف ان المعالج بيضحك عليه او مش فاهم حالته.
يمكن اي كلام في مراحل العلاج الاولى …مش هيوصل..حتى لو مركز بشدة على بث الامل جوة المريض….فقط لو اقتنع المريض ان افكاره ده نتيجة حالته المزاجية..انه مش حقيقية في الواقع الخارجي..انه يقدر يخرج وان في امل وحل….انه ميصدقش افكاره…انه حتى لو مصدقها دلوقتي يعرف انها نتيجة المزاج السوداوي ويوم ما مزاجه يتغير هتتغير..وقتها هيتزعزع اليأس وهيتحرك كوبس لقدام.
صدق مشاعرك (انا حزين انا غضبان الخ) بس متصدقش كتير جدا من الافكار اللي بتيجي معاها انها حقيقية..انها انت…..الافكار افكار مش حقائق …..بتتعرض للتشويه كتير جدا تحت تأثير الانفعالات وبتتلون بلونها.

لما تجيلك افكار سلبية بالعجز والضعف خد بالك انك تحت تأثير الاكتئاب ودي من اعراضه….ولما يختفي هيختفوا.
ان من اسباب الاكتئاب الافكار السلبية وهو بيضرب عليها كتير جدا…يضخمها فبيزود نفسه ويقوى….الافكار دي مشوهة ومش حقيقية.
احاسيس الذنب والخزي وعدم الحدارة وعدم الاستحقاق..اعراض للاكتئاب برضو…وهيختفوا لما يختفي.
الامل مفيد وصحي…اتمسك بالامل والايمان انك هتخرج من حالتك..انت تستحق تعيش مبسوط ومن غير معاناة مستمرة..

قد يعجبك ايضا

اترك تعليق

يرجي التسجيل لترك تعليقك

شكرا للتعليق