Ultimate magazine theme for WordPress.

الطائرات الورقية تسيطر على سماء مصر

0

Get real time updates directly on you device, subscribe now.

  كتبت _أمنية نصر الله

شهدت سماء مصر ظاهرة تزايدت من حين لآخر، مع امتداد فترة الحجر والحظر، حيث أصبحت “الطائرات الورقية”، هى المتنفس الأول للخروج من حالة الحجر والضيق داخل المنازل.

بعدما قل استخدمها خلال السنوات الماضية، جاء زمن “كورونا” ليعيد الطائرات الورقية إلى الواجهة، وأصبحت سماء القاهرة والمدن المصرية خاصة فى الأوساط الشعبية، تمتلئ بالطائرات الورقية، والتي تعد متعة خالصة تجذب الصغير والكبير.

كيف صنعت تلك الطائرة وما تكلفتها؟

قال “أحمد نصر” البالغ من العمر 24 عامًا أنا أشتريت البوص بتاعها والخيط والمشمع النايلون أشترتهم ب80 جنيه، وفي واحد عملهالي أخد 50 جنيه، يعني إجمالي التكلفة 130 جنيه.

ما هو سبب اندفاعك لشراء طائرة ورق بهذا السعر الباهظ وما هو وجه الاستفادة منها؟

تابع “نصر” والله أنا أشترتها علشان أكسر ملل الحظر، وعلشان بحس كمان بمتعه فيها ، وكمان بقضي وقت فراغي معاها.

متى تبدأ في تطير الطائرة؟ وما هو الوقت المفضل للتطير الطائرة؟

قال ” نصر” بنبدأ نطير بعد الشغل على الساعة 4.5 أو 5 بعد العصر لحد الساعة 8 أو 9 بليل، و كل واحد يطلع على السطح بتاعده وبيأخد معاه اثنين أو ثلاثة بيقعدوا “يأزعروا” علشان يلموا مع بعض الخيط ويريحوا بعض لأن الطائرة بتبقى ثقيلة .

كلمنا عن اللعب بالطائرة وما هى “الأزعرة”؟

قال “نصر” الأزعرة دي زي حرب وليها قواعد خاصة بتبدأ بحاجة اسمها مقص وهو أنا بحط الخيط الطائرة بتاعتي وهى طائرة في الجو مع خيط اللي بلعب معاه ونفضل نلعب مع بعض لحد ما حد يصطاد التاني والأسرع هو الكسبان والطائرة لما بتيجي عند اللي كسب ما ينفعش اللي خسر يجي يأخدها دي أصول اللعبة وقواعدها ودائمًا اللي بنأزعره بنفرح قدامه ودي حاجة حلوة أوي بالنسبة لينا كما لو كنت بتحارب وانتصرت.

هل الخيط بيفرق من طائرة كبيرة أو صغيرة الحجم؟

أه طبعًا الخيط على حسب الطائرة لو صغيرة يبقى الخيط رفيع ولو كبيرة يبقى الخيط سميك لأن الطائرة تقلها من تقل خيطها.

هل هناك فرق بين الخوص والخشب؟

الفرق بين الخوص والخشب الخوص خفيف ومتين وما بيتكسرش في الجو لكن الخشب تقيل.

استكمل “نصر” الطائرات في ناس بتعتبرها شغلانة أي مصدر رزق وفي ناس بتعملها تتسلى بيها مش أكتر.

أضاف “نصر” في نهاية الحوار كل واحد بيحب يعمل شكل الطائرة حلو علشان يبقى رقم واحد، وإن من أشهر الأماكن اللي بتعمل شكل حلو وبإحتراف هم ( إمبابة ، شبرا ، عين شمس، المنيب، حلوان ، البساتين، السيدة عائشة). إن هناك منافسة ما بين المناطق على مين اللي يكسب الحرب.

تعتمد فكرة الطائرة الورقية على جسم انسيابي خفيف الوزن مربوط بخيط أو عدّة خيوط ليطير عكس اتجاه الريح. وكانت  الطائرات الورقية تُصنع من الورق (ولا زالت) إلا أن النايلون الخفيف والمتين في نفس الوقت هو المادة المفضلة لصنع الطائرات.

 

قد يعجبك ايضا

اترك تعليق

يرجي التسجيل لترك تعليقك

شكرا للتعليق